Caracas, VENEZUELA- Presidente di e Comision di Contraloria di e Asamblea Nacional, Juan Guaido a informa riba e presunto vinculacion di e parlamentario pa e Gran Polo Patriotico, Diosdado Cabello y di e minister di Transporte y Obranan Publico, Ricardo Molina, cu e empresa Odebrecht. Ambos funcionario a wordo acusa pa Ministerio Publico di Brazil pa a ricibi soborno di Marcos Odebrecht.
Juan Gaido, cu ta dirigente tambe di Voluntad Popular a informa tocante e investigacionnan cu a determina cu e empresa tabata tin un promedio di cinco pa shete aña di retraso di entrega y conclusion di obranan. “E unico pais cu tin 90% di e obranan Odebrecht sin finalisa ta Venezuela. Den henter e region e obranan a wordo conclui. Di e 31 obranan, casi 26 ta sin termina. No tin ningun Venezolano cu por a subi e Metro di Caracas y yega Guarenas, cu por a pasa riba e di dos brug di Maracaibo, cu por a biaha den e Trein di Centro y cu por a disfruta di e coriente produci pa Tacoma. El a precisa cu e obranan aki a wordo financia pa e Banco di Desarollo di Brazil. Esaki kiermen cu nan no solamente a horta e placa, pero Venezuela a keda cu debe tambe cu Brazil, danki na e obranan aki. E nivel di corupcion akinan ta masha halto mes.
For di Brazil nan lo realisa un investigacion pa determina e fuente di financiamento di e diferente obrnan. Den e caso aki ta implica e Ministronan di INfrastructura, responsabel di cada construccion y e Ehecutivo Nacional pa a firma e contractnan. Mas cu tur, e ex- Minister di Comunicacion, ex- gobernador di estado Miranda y ex- presidente di Asamblea Nacional, Diosdado Cabello, cu lo mester splica e motibo cu e tabata tin tanto contacto asina cu Marcos Odebrecht.
Guaido a denuncia tambe cu e obranan finalisa pa e compania Odebrecht na Venezuela a wordo paga cu un prijs mucho mas halto y e ta wordo asocia cu e sakeo masivo cu e regimen a bin ta haciendo den full e pais.