Minister Xiomara Ruiz-Maduro a ricibi bishita di Minister di Educacion, Ciencia y Cultura di Hulanda

Recientemente Minister di Finansa, Asuntonan Economico y Cultural a ricibi bishita di Minister di Educacion, Ciencia y Cultura di Hulanda, sra. Ingrid van Engelshoven.
Esaki ta e prome bishita di e mandatario na nos Pais Aruba. Minister Ruiz-Maduro a reuni cu e mandatario Hulandes riba topiconan di interes mutuo manera conservacion di herencia cultural intangibel y e maneho pa duna bida bek na e monumentonan.
Alabes Minister Ruiz-Maduro a asisti na un lunch cu Minister van Engelshoven a ofrece den cuadro di emancipacion di hende muhe, cu a hiba e tema ‘Hende Muhe na Mando’. Esunnan presente a intercambia di experiencia y asina duna un bista di e retonan y logronan di hende muhe na posicionnan clave den nos Pais.

Comments

comments