Recientemente IMF a publica su rapport di nan evaluacion financiero y economico di Aruba den nan Article IV Mission di nos Pais. Den e ultimo rapport aki, IMF ta confirma cu Gabinete Wever-Croes a hiba un maneho financiero y economico responsabel. Si no tabata pa e pandemia, awe Aruba lo a conoce un surplus despues di 12 aña cu Aruba a conoce solamente deficitnan. Esaki Minister di Finanza Xiomara Maduro a bisa den un declaracion.
Den su rapport, IMF ta verifica cu e maneho financiero y economico di Gobierno tabata bay den bon direccion. “E caminda cu Gabinete Wever-Croes a scoge pa baha debe y traha riba diversificacion di economia tabata uno prudente y corecto. A haci un trabou grandi pa baha un deficit cu a yega te na 444 miyon na aña 2012 na un surplus di 46 miyon florin na aña 2020 prome cu COVID19 a bati na porta di Aruba.”
“Aunke cu awor aki nos ta bolbe bay core algun aña cu deficit, Gabinete Wever-Croes a sa di traha un fundeshi fuerte pa Aruba su finansa publico. Ta di spera cu pronto Aruba su economia por reactiva y cu nos por yega atrobe na nivelnan responsabel di deficit sigui atrobe pa surplus den un futuro cercano,” Minister Maduro a bisa.
E rapport di IMF por wordo lesa via e link: