Minister Xiomara Maduro encarga cu economia tambe tabata presente durante e entregamento di certificado di parti di Departamento di Economia encarga cu IDEA y Expro Desk. Minister a menciona e yamada aki a tuma luga na tur esnan cu ta yuda facilita un of otro proyecto cu ta ser forma pa tanto IDEA y Expro Desk, den esaki ta empresanan priva y departamento di gobierno y esnan di prensa tambe cu ta yuda pa e informacion yega na e publico grandi. Prensa ta esunnan cu ta yuda pa transmiti e informacion pa esnan cu kier bira empresario por haya sa e datonan necesario y asina sigui e cursonan cu ta keda brinda.
Ministerio Xiomara Maduro a informa cu e tipo di curosnan aki ta pa facilita y empodera locual ta e mundo comercial aki na Aruba y e hobennan pasobra pesei tin e curso di Kids Entrepreneurs Big Idea, di cual ta un proyecto cu e siman aki nos a duna danki na tur e facitiladornan cu ta yuda nos, pasobra di chikito caba mester hinca e smaak den nan cu nan por bira comerciante na grandi. Pa nos hendenan grandi tambe nos tabata tin e curso di Zilver Entrepreneurs Ship pa esnan cu ta bayendo of ta cu pensioen pa nan tambe haya e informacion con pa haci negoshi. E departamentonan y sigur Gobierno ta trahando pa por digitalisa y den e caso aki departamento economico ta trahando riba e portal pa asina pro haci tur locual ta peticionnan cu por bay digital y cada biaha ta sigui bay mas. Departamento.