Minister Ursell Arends encarga cu medio ambiente den un entrevista a menciona cu e campaña di consientisacion ta andando ainda y mas y mas ta mirando cu e comunidad ta responde postivamente na esaki. For di e companianan cu ta encarga pa ricibi desperdicio ta hayando e datonan cu ta yegando e averahe di desperdicio cu tabata yega na dump di parkietenbos y ta alentador pa nos.
Minister Arends a bisa si cu no ta tur hende ta bay comporta nan mes pacifico, na 2012 y 2018 tabatin un maneho proponi pa ministernan di medio ambiente pa con ta trata cu dumpnan ilegal y e buraconan cu tin habri rond di nos isla, actualmente DNM ta formalisando un maneho concreto pa atende cu esaki y den prensa ta mira cu tin desperdicio tira den nos naturalesa y no ta algo di awor, pero ta awor aki esakinan ta hayando e atencion.
Minister Arends a menciona cu tin ploegnan cu a realoca for di Serlimar, pa BCI ta atendiendo cu esakinan debidamente y ta haciendo esaki basta bon y den luna di januari a haya un total di 150 reclamo atraves di fixi y 116 di nan a keda cumpli den 4.8 dia cu ta e norma cu Hulanda mes ta atende cu fixi ta den 4 dia. E persona cu entrega e keho ta haya un update tambe despues cu esaki keda atendi.
Nos ta den e bon direccion e mensahe mester bay pa e comunidad continuamente y ta un responsabilidad di nos tur.
Companianan cu ta atendiendo cu bakinan di sushi rond nos ta trahando un plan cu nan pa pronto lanza cun campaña pa den diferente bario.
