ASUNCION, Paraguay- E avioneta a wordo localisa for di den halto diahuebs mainta, cu lus di dia. Esaki despues di un intento di rescate cu faya, diaranson den oranan di anochi. Civilnan tambe a recorre e zona riba cabay of den lancha.
E avioneta, un modelo Baron BE58, a Sali for di Ayolas, na 300 km di Asuncion, diaranson atardi y después di esey no tabata tin comunicacion mas cu nan.
Presidente di Parlamento, Silvio Ovelar a declara tres dia di luto pa morto di e minister di Agricultura y Ganaderia, Luis Gneiting, di e vice minister di Ganaderia, Vicente Ramirez y dos funcionario mas después di un accidente aéreo na Ayolas.
“Nos a declara tres dia di luto, esey ta un autoridad cu e presidente di Parlamento tin”, un Silvio Ovelar claramente afecta, a expresa na medionan di comunicación prome cu e sesion ordinario den parlamento.
E decision di e titular di Parlamento ta pa e mortonan confirma di e minister di Agricultura y Ganaderia, Luis Gneiting, e vice minister di Ganaderia, Vicente Ramirez, e piloto Gerardo Lopez y e funcionario Luis Charoti.
Personal specialisa ta purbando di recupera e restonan di e avioneta cu a cay, cual a sosode den un zona yena di pantano di e ciudad di Ayolas, unda cu e minister di Agricultura y Ganaderia di Paraguay, Luis Gneiting, mas tres otro persona tabata biahando. Ta descarta cu lo por tin sobreviviente, den e accidente cu a sosode diaranson anochi.
Den e accidente aki a fayece tambe e piloto y ex minister di Agricultura y Ganaderia, Gerardo Lopez como tambe e funcionari di e ministerio y co- piloto Luis Charotti.
Aguilar a agrega cu e avioneta a pega candela ora cu el a cay, y cu e restonan mortal lo tarda varios hora pa wordo saca for di e pantano y pa despues sigui cu e investigacion cu lo mester saca afo e causanan di e accidente
Fuente: https://noticieros.televisa.com/