DEN HAAG, Hulanda- Diaranson Tweede Kamer a trata e mocion di desconfiansa contra di Minister Stefan Blok. E mocion a conta cu e sosten di GroenLinks, SP, PvdA y di Partij voor de Dieren, pa un total di 45 asiento. 50 Plus na ultimo momento no a sostene e mocion. Vocero di partido, Martin van Rooijen a bisa cu su partido “lo sigui e minister aki di cerca, na un manera critico”, pero ta haya cu ta demasiado trempan pa apoya e mocion aki”.
Cu e votacion aki, Blok ta sali, no totalmente ileso, for di e debate.
Blok mester a responsabilisa su mes pa declaracionnan haci riba e comunidad multicultural. Den e debate, Blok a bolbe bisa cu su declaracionan tabata inapropia y cu el a ofrece su disculpa. E por sigui pues awor como minister. E partidonan di coalicion cu tabata critico riba e declaracionnan, a haya e despensa suficiente.
E partidonan den gobierno, cu tambe tabata critico, a acepta su disculpa. Pero PVV y FvD al contrario, tabata di acuerdo cu su expresionnan. Pa nan, ta incomprendibel cu el a ofrece su disculpa.