Diaranson mainta 12 di april 2017 Minister Sevinger y representantenan di Dr. Horacio E. Oduber Hospital y Institutonan di enseñansa Secundario y Avanza, a efectua firmamento di dos protocol importante pa e sectornan concerni.
Pa loke ta e protocol cu ta toca e sector medico ta trata aki mas bien di un actualisacion di e protocol existente y un ampliacion di e grupo di interes cu ta wordo sirbi cu e protocol aki.
Mientrastanto pa loke ta trata e protocol cu e sector di enseñansa Secundario y Avanza, esaki ta un protocol completamente nobo. Cu e protocol aki ta spera di por duna un stimulacion importante na realisacion di un economia di conocimento, y diversificacion di nos economia.
E protocolnan lo drenta na vigor entrante dia 1 di mei 2017.