Ayera Minister di Finansa, Asuntonan Economico y Cultura Sra. mr. Xiomara Ruiz-Maduro tabata presente na e simposio ‘Road to Good Governance’ organisa pa Fundacion Bon Gobernacion hunto cu Universidad di Aruba. Tabata un simposio informativo na unda cu nos Minister Presidente Sra. mr. Evelyn Wever-Croes, Presidente di Banco Central Sra. Jane Figaroa-Semeleer, Procurador General mr. Alexander van Dam y Lider di Fraccion MEP Parlamentario Rocco Tjon a hiba palabra y a splica kico ta wordo haci for di nan disciplina pa trata na preveni y mitiga locual ta corupcion den gobernacion na nos Pais.