Minister di Enseñanza Sr. Rudy Lampe ta duna di conoce cu un comisiono a keda forma pa atende cu e situacion di arco na scolnan rond Aruba. Y caminda a base di diferente criterianan cuminsa traha riba e situacion pa tur e scolnan haya airco. Airco na scol no ta un luho mas, el a bira un necesidad pa nos muchanan por haya enseñanza den un sistema di cooling. Minister Lampe a bisa cu e pakico cu e ta usa e palabra aki di cooling, pasobra cu e mandatario ta den contacto cu expertonan cu na e momentonan aki por haci cooling di un espacio sin airco. Esaki ta un tendencia cu tin na diferente pais caba por ehempel na paisnan hopi calor, nan tin un sistema caminda cu no mester tin di airco sino mas bien un sistema di cooling. E technologia tey caba pasonbra ciencia ta sigui desaroya y e ta resulta un sistema mucho mas barata pasobra e ta usa menos coriente, e ta mas higienico tambe pasobra e espacio ta full sera. Pues Minister Lampe a bisa cu e ta explorando e technologia nobo aki pa e scolnan cu falta airco y wak si realmente airco ta e solucion of e otro technologia pa cooling den e klasnan na e scolnan en cuestion. Minister Lampe a bisa cu e tin full atencion pa cu e situacion aki y ta trahando riba dje.