Minister di Educacion, Ciencia y Desaroyo Sostenibel dialuna a efectua apertura di e 15 International Ocean Sciences Conference di e IOC UNESCO.
Presente na e conferencia aki tabata t’ey S.E. gobernador di Aruba, Sr. Alfonso Boekhoudt, y tambe miembro di Parlamento, Sr. Ricardo Croes. E tabata tin un palabra di bon bini pa tur e delegadonan di paisnan den region, cu a forma parti di e conferencia aki.
Tin diferente definicionnan pa e region di Caribe, y di parti di cientificonan, studiando y investigando nos oceanonan. Ya caba un di e definicionnan di Caribe, ta cu tur e islanan y areanan costero tin di haber cu lama Caribe. Tambe tin un definicion amplio di Caribe, cu e ta bay for di e parti sur di Merca te cu e parti noord di Brasil. Esaki tin di haber cu e factor cultural, sclavitud, esclavonan treci for di Africa.
E pregunta ta keda: Kico ta Caribe?
Durante e conferencia lo mantene loke tin di haber cu e lama Caribe, paisnan manera Venezuela, Colombia y Mexico, tur tin di haber cu lama Caribe.
Pa nos na Aruba, nos ta hopi consciente di e importancia di tin cientifico di explora y investiga y presenta e resultado di e investigacion.
E cambio climatico, lo tin su retonan pa futuro. E ta asina importante pa cientificonan, y ciencia, pa ta relevante pa e comunidad. Nan mester ta na servicio di comunidad.
Sr. Lampe a recorda cu un di e ex minister di Cultura di Francia, ora cu e puntr’e pa defini kico ta cultura, su contesta tabata ta cu e tin di haber cu bida. Es decir, e tin di haber cu proteccion di bida. Nos mundo ta unico, e cosmo entero, pa tin e condicionnan cu nos tin ariba e planeta aki, pa tin bida. Tin biaha nos ta ‘take nos planeta for granted’, cu e ta un combinacion di condicionnan cu nos tin ariba e planeta aki, pa tin bida, ta algo unico, e no ta ‘normal’.
Pa tin bida ariba nos planeta, ta algo sumamente unico. E ta algo sumamente bunita.
P’esey ta importante pa ciencia y cientificonan compromete nan mes pa proteha bida ariba e mundo aki. Y bida tin di haber cu oceano. Tabta palabranan di minister Rudy Lampe, durante e apertura di e di 15 Conferencia di Oceano di UNESCO.