Minister Rudy Lampe ta hopi agradecido na Xavier University pa e confiansa cu nan tin den pueblo di Aruba y e confiansa cu nan ta deposita den Pais Aruba, esaki ta nifica un capitol nobo den nos historia economico. Actualmente e Universidad ta haci un invercion sumamente grandi na Aruba. Ta trata aki di mas cu 40 miyon dollar cu lo keda invertri na Aruba.
Sinembargo no ta esaki so ta importante , pero tur loke cu e proyecto aki ta bin cu ne acerca, cu ta e profesornan y studiantenan cu ta bin biba na Aruba pa algun tempo. Ta trata aki di diferente studiantenan di afo di diferente parti di mundo cu lo bin Aruba, tur esaki ta positivo pa nos economia aki na Aruba.
Loke ta un realidad, cu e programa di gobernacion di gabinete Wever Croes semper a papia cu Aruba mester desaroya un otro pilar economico cu ta e kennis economie, unda cu e economia ta basa riba conocemento.
Cu e desaroyo di Xavier University nos ta papia di conocemento medico cu lo trece personanan di tur parti mundo cu lo bin Aruba y cu lo inverti tambe den Aruba. Minister di enseñansa Armando Rudy Lampe ta sumamente contento cu e desaroyo di Xavier University unda cu lo enrikece e economia di Aruba. Alabes ta demostra cu di parti di Merca tin confiansa den nos economia y den e parti di comunidad internacional tin confiansa den Aruba. Tur esakinan ta habri porta di posibilidad nan y un futuro briyante pa Aruba.
Minister Armando Rudy Lampe na su turno a duna un speech na tur esnan presente y a expresa cu e ta sinti gratitud pa por representa pueblo di Aruba na e bunita ocacion aki y na unda cu Xiavier University y tur esnan cu ta representa e Universidad ta demostra cu hunto ta logra cosnan positivo pa Aruba. Minister Armando Rudy Lampe conhuntamente cu minister Danqui Oduber a pone e promer piedra den nomber di gobierno di Aruba.