Minister Romero: Rond di 200 persona a haya permiso pa spearfishing

Minister Chris Romero den un conferencia di prensa di gobierno, a papia riba spearfishing. E ta lamenta algun informacion incorecto cu ta circula.
Na 2001 a surgi hopi disgusto na 2001 ora cu a prohibi spearfishing, pa cual piscadonan a cuminsa busca firma pa bini cu un “gedoog beleid”.

Finalmente aña pasa a logra yega na cierto palabracion, unda cu e tiradonan ta haya un “beschikking” cu nan por haci e trabou, pero na cierto area so. Asina por ehempel Manta y Gutu ta piscanan cu no por tira nan y tampoco turtuga. Tur esaki ta bon specifica den e beschikking, e mandatario a bisa.
Tambe el a splica di diferente adaptacion cu mester haci den e ley, entre otro en bes di papia di un pisca specifico, a pone tur bou di un solo nomber. Esaki ta stroba e tiradonan di pisca y riba dje lo traha.

Minister Romero: Por practica spearfishing pero no por importa speargun.

Ta bay bini cu un adaptacion den e reglanan, y esaki ta entre otro riba e parti di kreeft. Ta bay los esaki, pa por tira kreeft tambe. Pero sigur cu regla, asina por ehempel no por coge kreeft di menos cu 12 centimeter (karkaas, pues no ta inclui e rabo). Tampoco por mishi cu kreeftnan cu tin webo bou di nan.

El a recorda cu esnan cu viola e reglanan, lo no haya un di dos chens y autoridadnan concerni ta tene e situacion bon bou di control.
Personanan cu ta practica spearfishing e beschikking cu nan a haya ta simplemente pa cumpli cu e reglanan y esaki no ta nifica cu por ordo of cumpra speargun for di exterior. Awo e ta cay bou di e categoria di arma, pa cual no por importa nada di spearfishing gun. Duana lo no laga nada di esaki drenta.

Na final el a bisa cu tin mas cu 200 persona a haya permiso pa tira pisca, y nan tur sa e condicionnan, principalmente na unda por practica spearfishing y unda no.

Comments

comments