Un grupo di taxista a wordo invita pa un reunion cu minister di Transporte, pa haya splicacion tocante su maneho nobo. E grupo cu a wordo invita ta mayoria ta di 60 aña bay ariba. Sra. Linda Orman, vocero di grupo di taxi ta amplia.
Segun Sra. Orman, si kier papia di maneho nobo, pakico ta bin cu e maneho di nobo y presenta esaki na un grupo chikito. Si kier cover mayoria di taxinan, lo mester di e Central y tambe Taxi Unie, pa asina sinta na mesa cu nan y splicanan tambe tocante di e maneho nobo. Un grupo di taxista ya caba a haya splicacion di e maneho caba. Sra. Orman a sigui bisa cu locual el a compronde for di e taxistanan cu a reuni cu e minister, cu ta presionando e taxistanan pa pasa nan vergunning, sin motibo algun. Tin un cu a pasa tur su testnan cu bon resultado. Es decir, cu no ta un motibo valido pa pone e taxista pasa su vergunning, contra di su deseo. Tambe, e minister lo a bin cu e deal cu e taxista ta haya un hulpchauffeur pa dos aña y despues di esey e vergunning lo bay bek pa Land Aruba.
Sra. Orman a splica cu pa di prome, vergunning hunto cu rijvergunning ta wordo renoba cada cinco aña. Esey ta stipula pa ley y mester keda asina. Esunnan cu cumpli 65 aña, e rijvergunning cu e carchi berde. Un taxista ta haya un exploitatie vergunning (Carchi geel) y un rijvergunning (carchi berde). Tur taxista di 65 aña bay ariba, tur aña mester renoba nan rijvergunning. Personanan cu ta bezig cu e asunto aki, mester cuminsa pone pen cu papel ariba mesa y cuminsa pensa bon kico nan ta bezig cun’e. Ta insinuando cosnan cu no ta para den ley. Es decir, por papia di ‘valsheid in geschrifte’. Pa di dos, chauffeurnan ta wordo intimida cu cosnan cu no ta para den ley. Y no tin derecho di exigi esey tampoco. Tur esunnan cu ta trahando y cu a wordo invita, ta taxistnan 60 plus, nan ta cumpliendo, door di renoba nan vergunning, ta pasa drugtest, medische keuring, y medische keuring. Ta masha poco trabao ta pidi esaki. Ta di ki maneho nobo e mandatario ta papia di dje? E mandatario tin un carta bou di su manga, door di invita esunnan di 60 plus so. Taxie Unie ora di reuni cu e mandatario, tin un ley cual mester keda na e ley.
Al parecer, e mandatario lo ta pensando di kita e vergunning. Pero e unico manera cu’n taxista perde su vergunning, ta door di haci algo ilegal cual e ta haya un strafkaart.
Sra. Orman a bisa bon cla, of ta topa cu tur e taxistanan of ta cancela e reunion. Papiando cu e taxistanan den diferente reunion, e version ta cambia. Si ta papia di transparencia, ta papia di mesun tema, na mes momento di loke minister Chris Romero a splica. Zowiezo, central lo geef door kico a pasa. Den ultimo reunion, a pidi pa notulering, door di e cambionan cu a bin despues di e decision. Taxistanan kier pa e reunionnan wordo notula. Pero e pregunta ta dicon kier reunion cu e taxistanan di edad halto so, kico logra den e reunion ey? Un fout grandi di e taxistanan ta cu nan no ta worry pa lesa e ley. Mester tin un hende den reunion cu sa di e ley, pa bisa e mandatario, cu e ta fout bezig. Te asina leu, Sra. Linda Orman, vocero di Taxi Uni y Central di Taxi.