Awe na Bureau Rampenbestrijding Aruba, a cuminsa cu e encuentro cu tur e miembronan di crisis team, despues cu Aruba a haya e bon noticia di a wordo financia pa Union Europeo pa un proyecto cu ta bay haci un sistema de advertencia multiple.
E deseo y necesidad, a bin di Aruba pa hopi tempo unda nan tabata kier un sistema cu por anticipa kico ta bay pasa un sistema cu ta analisa e fenomenonan metrologico, sismatologico y asina yega na e conclusion di duna avisonan trempan. Esaki mester ta un aviso den tur idioma y cu esaki mester yega na tur hende, e importante ta cu e sistema ta guia bo y duna e informacion ora mester wordo avisa pa evacuacion of pa cualkier otro medida.
Bureau Rampenbestrijding Aruba (BRA) a inscribi pa e proyectonan aki na Europa y nan ta haya e bon noticia cu nan ta haya e financiamento di 1.7 miyon euro, cu esaki Aruba ta bira un pionero den caribe un role model pa e otro paisnan den caribe.
Dentro di 5 aña Nacionnan Uni a stipula cu tur pais similar manera Aruba mester tin e sistema aki. E meta ta pa scapa bida di hende y minimalisa e dañonan. Awe ta habri e Workshop cu un conferencia pa e personal di crisisteam y cu e training, preparacion pa cu esaki. Pa otro aña na juni 2024 e sistema aki ta bay ta full operacional. Ta pidi e coperacion di tur e instancianan y tur hende pa esaki por ta un exito.