Cas di Cultura tabata sede di un atardi special caminda como pais a tuma tempo pa duna atencion na e hobennan cu ta destaca den di deporte, educacion, innovacion, musica, comercio, arte y formacion social. Prome Minister personalmente a entrega na cada un di e 30 hobennan, nan reconocemento.
Den su palabranan di bon bini na e ceremonia, Minister President a pone den henter e concepto di reconocemento di nos hobennan destacante den contexto mas amplio. “Ademas di e diferente categoria cu nos ta reconoce nos Hoben y Talentosonan di Aruba, nos ta reconoce tambe e bon curason cu nan tur tin y e speransa cu futuro di Aruba ta den bon man.”
Esaki ta di cuater edicion di e programa y buki ‘Hoben y Talentoso’ cu ta un iniciativa di Ministerio di Asuntonan General, Ciencia, Innovacion y Desaroyo Duradero. Pa mas informacion por bishita pagina di Facebook Hoben y Talentoso.