Den un mainta hopi importante un gran cantidad di mucha a atende e clausura di e projecto #STOPAWO pa aña 2016. Aki nos muchanan a haya e oportunidad di expresa y demostra kico ta nan derecho. Minister Croes a duna di conoce cu #STOPAWO ta un proyecto cu a inicia na aña 2014 y a resulta un exito total desde su prome salida. E aña aki, den su di tres edicion, #STOPAWO a pone enfoke riba kico ta e derecho di nos muchanan. E aña aki a resulta un aña excepcional pa e proyecto mirando cu mas di 1000 mucha a participa na #STOPAWO, cual sin duda algun ta haci un impacto grandi no solamente riba nos muchanan pero tambe den henter nos comunidad. E aña aki, ta contento cu den un forma preventivo a siña e muchanan di e derechonan cu nan tin y ta sumamente gradicido cu Juffrouw y instancianan concerni a pone e muchanan central y asina siña nan kico ta nan derecho. Pa finalisa, Minister Croes ta garantisa nos comunidad cu lo sigui cu tipo di iniciativanan asina pa asina preventivamente sigui concientisa comunidad riba entre otro: derechonan di mucha.