Banda di hobennan cu ta termina EPB sector tecnico, EPI y Openbare Avondleergangen lo inclui tambe hobennan di SPO den e programa di certificacion pa e refineria. Minister Paul Croes ta encarga pa Gobierno di Aruba pa trek e proyecto Programa di Certificacion Energetico pa hobennan por haya un oportunidad pa traha den e refineria y of otro compania di utilidad. Durante tratamento di e ley di Citgo contestando riba pregunta y recomendacionan di Parlamentario sra. Lorna Jansen Varlack, Minister a compromete su mes pa inclui hobennan cu termina SPO tambe den e programa. Banda di esaki Minister Paul Croes a reuni cu Jeugdreclassering pa mira tambe ki oportunidad e hobenan cu ta bou di guia di e organisacion aki por tin tambe pa e programa aki. E programa di certificacion pa e refineria mester por yuda hobennan cu tin interes pa bay padilanti cu un trabou den e refineria. Minister Paul Croes ta kere firmemente cu hopi hobennan lo beneficia di e programa cu Gobierno lo bin cune. E ta un programa cu ta carga apoyo di 4 Ministerio, entre 6nan di Educacion, Asuntonan General, Energia y Labor.