Den un reunion hunto cu su Team di campaña y amistadnan y famia, Minister Paul Croes den un forma espontaneo a organisa un encuentro unda a informa su ekipo riba desaroyo den e proceso electoral y tambe e caso legal. Aki e politico tambe, den un forma honesto y emocional, a confirma cu e tin deseo di continua den politica y cu nan lo no strobe di esaki tampoco.
Sr. Croes a remarca di ta dispuesto pa bay eleccion na September pero mester tene cuenta e aspecto di e investigacion andando. Den un sala completamente yena, den apenas 24 ora, e publico a keda conmovi y a mustra di ta 100% para tras di nan candidato. Lo keda sigui e proceso legal di cerca pa asina dicidi na final kico lo haci, segun e candidato.