Diabierna ultimo FCCA y Partners a haci inauguracion di Kibaima Smart Community. Minister encarga cu Infrastructura Sr. Otmar Oduber, den su discurso a trece dilanti cu inauguracion di e proyecto aki ta e path to follow den e proximo añanan nos dilanti. Un proyecto cu a keda entrega na Mei 2018, y cu a conoce un trayectorio largo di momentonan positivo cu pais Aruba mester por siña di dje cu ta comunica den forma transparente. Meta di e proyecto ta pa balansa den miho forma e aspecto di desaroyo y concentracion riba medio ambiente. Tanto conscientisacion como comunicacion mester existi entre diferente departamento y ta esencial pa exito den futuro. Minister Otmar Oduber, a menciona un primicia hunto cu e apertura, cu lo lansa un concurso lidera pa FCCA. Cu e concurso tanto arkitecto como contratistanan specialmente local, lo por contribui na futuro di vivienda responsabel y sostenibel. Un desaroyo cu e tema sostenibel no ta accesibel pa cientificonan y e mundo academico, sino pa mama y tatanan di famia cu mester di un cas pagabel pero cu tambe kier biba consciente. Participante di e concurso lo presenta tecnica moderno y pagabel cu por reduci e uzo di energia. FCCA a demostra liderazgo den ofrece cas pagabel of social cu un alternativa y cu bista riba construccion di mas cas social. E concurso tambe lo brinda oportunidad pa presenta tecnica pa cual ta maneho di desperdicio pa enfatisa importancia di maneho di desperdicio y sushi den forma responsabel. Segun e mandatario, esaki ta posibel y necesario. Aruba ta den un estado critico pa cual ta e efecto di sushi cu tur hende ta produci y mester carga responsabilidad pe. E team di experto y profesionalnan di Land Aruba cu a traha duro pa por yega na e punto aki ta TNO, Utilities nv.,WEB Aruba nv, Elmar nv., Setar nv. y sigur importante FCCA . FCCA a inicia un otro proyecto importante cu ta bay demostra cu experticio ta posibel semper y cuando tin e determinacion. Minister Otmar Oduber a felicita FCCA y partners cu e logro grandi y desea nan hopi exito pa nan sigui comparti cu comunidad loke ta Smart Community.