Desde dialuna, pasonan cu e tempo aki ta duna y cu naturalmente na un manera hopi responsabel, Gobierno ta analisa y cada biaha Meteo naturalmente ta notificia di e pronosticonan cu ta sali. Por ta pa aclarea esey, pasobra cierto momento, Ministero Otmar Oduber, tin di compronde, cu ta wordo bisa cu tin cu check cu minister. No ta cuestion di check bek, sino cuestion di notifica minister di e boletinnan cu ta bay sali di e situacion cu tin, pasobra Prome Minister naturalmente, cu ta e minister responsabel si en caso cu cierto momento mester bay den un calamidad, ta e persona cu ta take charge manera cu a anuncia den un conferencia anterior y prome minister na su turno, kier ta informa riba e tempo y esey ta loke a bin ta tuma luga desde dialuna.
Meteo naturalmente lo sigui cu su boletinnan cu tin un caracter special den e caso aki. Cuater boletin a wordo emiti caba. Mientras tanto, otro boletinnan normal tambe cu ta wordo saca pa Meteo ta continua. Por ehempel ora lama ta malo, no necesariamente ora cu tin un storm na caminda of si tin un efecto di cualkier horcan cu ta pasa den e area cu ta saca e notificacionnan special, pero cu den e caso aki ora cu lama ta tiki bruto, ora cu biento bolter y den otro situacionnan continuamente tambe ta duna informacion y hopi biaha pa scapa naturalmente botonan di piscadonan of hendenan cu ta bay drenta.
A papia cu APA. APA den e caso aki a notifica cu tabata suppose di drenta dos barco riba dia di mañan di cual un di nan a cancela den e caso aki, Princess. E otro cu ta di Carnival a bin un dia delanta. A drenta awe y probablemente tambe lo tin diabierna cancelacion di un barco cu ya caba a notifica cu no ta bay core riesgo pa yega te akinan, south y despues naturalmente keda sin drenta den nos waf. Probablemente te ainda ta papiando di dos barco cu no lo drenta mas den nos wafnan. Ta lamenta esaki naturalmente. Cada barco cu keda sin drenta tin su efecto pa loke ta economia, contribucion. Awor aki ta kere cu lo mas improtante ta cu pa medio di medio informa comunidad di e desaroyo, di cambionan si tin cambio y manera a wordo presenta, pa prepara comunidad y na momento cu si tin necesidad pa ainda upgrade esaki, una bes cu e tuma luga, naturalmente meteo lo comunica esaki. Meteo ta den combersacion cu Rampenbureau cu ta notifica nan tambe cada bes di e situacion y na momento cu Rampenbureau dicidi y sinti cu ta necesario pa por pone e Watch aki na un nivel mas halto, nan lo notifica prome minister y esey lo tuma lugar.
Awor aki por mira e señalnan, Aruba ta un tiki mas cerca di e efectonan cu lo por sinti. Hopi biento, lama cu ta bolter, muy particular banda di hotelnan cu lo sinti efecto di awa, por ta e por yega mas cerca di e hotelnan y pesey tin varios hotel, hunto cu departamentonan manera ATA y otro stakeholdernan cu ya caba ta activo. Pa banda di aeropuerto a wordo notifica cu no ta mira for di awor caba cu mester bin cancelacion. Ta spera cu esaki no tuma luga tampoco. E no lo crea un consternacion tampoco pasobra na momento cu cancela un avion, hende no ta ni drenta y e otro no ta ni sali. E no ta crea un problema manera por ehempel cu tin un accion cu hendenan ta keda pega na Aruba of ta trece hende so pero no ta saca hende. Esey no ta e caso tampoco. Te awor aki e situacion ta completamente bao di control y ta keda na cada ciudadano pa tuma e medidanan di precaucion cu lo tuma den cualkier momento cu sa cu awa ta bin y poco biento poco fuerte y prepara bo mes pa esaki. Pa loke ta scolnan, tin hopi pregunta. Scolnan tin ATV dag. Diabierna no lo tin scol cu ta haci un tiki mas facil pa mayornan por planifica bon nan ora, segun Minister Otmar Oduber.