Minister Otmar Oduber tabata presente na Pro Catedral na Playa caminda el a duna di conoce cu e ta hopi contento di ta presente serca pastoor y a mustra cu e proyecto di renobacion di e misa a inicia riba peticion di pastoor. A papia riba e posibilidad pa embeyecimento di e misa cu un par di dia pasa a cumpli 100 aña di existencia. Pa motibo di e trabaonan grandi cu tin tur caminda di renobacion y reconstruccion tur rond di Aruba tabata ideal pa haci misa di Playa tambe di una bez. Mas of menos dos luna pasa trabaonan a cuminza rond di Misa di Playa y e motibo pa cu esaki ta pa eleva e calidad di bida y naturalmente ora tin un iglesia tin tur e hendenan cu ta forma parti di esaki rond y a cuminsa e ora cu esun di playa mientras cu ta intencion cuminsa cu esun di Paradera proximamente. Pa loke ta pro catedral esaki ta e prome fase ya cu e segundo fase ta bai cuminsa caminda ta e parti banda pabao di misa. E segundo fase ta cai bao di e autobusnan cu ta haci uso di e espacio ey y tabatin bastante preocupacion pa cu esaki. Anteriormente e autobusnan tabata usa e entrada di misa como nan parada pero awo nan lo bai usa e parti pabao caminda DOW lo bai acomoda e sitio di tal forma cu e autobusnan lo haya nan lugar di parkeer y mas ainda e pasaheronan por tin un lugar comodo pa sinta warda nan bus pa nan bai nan destino. Minister a sigui bisa cu lo bai drecha tur e “adernan” cu ta sali for di eybanda pa bai otro caminda y lo bini cu un retonde banda di misa y asina haci e caminda di Dominicanessestraat bin abao uno di dos direccion. Y tur esaki den cuadro di eleva e nivel di bida di nos ciudadanonan. Ta intencion cu e trabaonan aki lo finaliza prome cu fin di e aña’ki y asina e siguiente barionan por cuminza y ta intencion cu ora caba cu Paradera lo sigui cu Sanicolas, esta Misa Santa Teresita.