Awor aki por mira hopi entusiasmo. Minister Otmar Oduber a splica cu proyectonan cu a cuminsa papia riba nan casi 4 aña pasa poco poco ta birando realidad. Awor aki ta bezig cu e parti di infrastructura. Loke tabata deseabel tambe, full e cambio cu a tuma luga, palonan di luz a wordo poni den nan forma industrial, cual kier trece dilanti tambe. Tur banco cu por mira ta di cement, cu lo wordo tuma over den e artfair pa e artistanan internacional, cu ta bin haci full un arte di mosaic riba nan. Por mira varios di e edificionan ta tumando luga actividad. Edificionan cu por ta den un pida promenade, cu 70% tabata cera, awor aki gran parti di nan tin actividad. Nan ta habri, tin trabao. E edificionan cu por mira mas of menos un 8 ta bay wordo tuma over.
Tin algun artista cu ta na Aruba, cual ta cay bao di e EMP Project, cu tambe a tuma un edificio over, 8 edificio grandi lo bay wordo tuma over na cierto momento y poco poco ta crea areanan di sombra pasobra kier haci’e gezellig. Awor aki cu ATA, ta haci full e parti eynan wifi, caminda cu hobennan por bay eynan, por haci nan les, por bin sinta chat, por bin wak nan mail, crea mas ambiente, habri cafe’s. Tin actividad y bida den e cayanan. Haci di San Nicolas un atraccion turistico cu pa hopi aña no a tuma luga. Awor aki ta haciendo esaki tambe na Playa, e Welcome Plaza. Tambe a reuni cu polis y DOW y DTP pa crea areanan specifico pa tourbusnan pa bin direccion San Nicolas, pa sigura un flow di e hendenan cu ta bin San Nicolas.