E olanan di lama cu a lanta dialuna mainta, a haci hopi daño na e piernan di Centro di Pesca Hadicurari. Minister Otmar Oduber, hunto cu funcionarionan di e demas departamentonan manera Santa Rosa, a bay tira un bista kico a pasa.
Minister Oduber a comenta cu nan a bin tuma un nota un rato, casi full un fin di siman caminda cu tabata tin hopi awa y e consecuencianan di Matthew, na momento cu menos a spera y a base di e swellsnan cu tin y a base di e diferente olanan dialuna cu a lanta basta fuerte, caminda cu tur hende por a wak na Arashi riba caminda, unda cu hopi streanan di lama cu a subi tera y a muri. Na e pier di Hadicurari, ta tristo pa mira e dañonan cu a wordo haci, cual pier a wordo renoba no mucho tempo pasa. Esaki ta un di e piernan cu mas tanto boto ta para na dje y pesey e minister a tuma e paso pa haci acto di presencia y asina constata un biaha mas cu e olanan ta halto.
Mester warda algun dia pa mira kico e consecuencianan ta pa e pier aki. Hopi caminda por a mira cu piernan a bay completo, pero tambe otro camindanan cu ta full lanta. E olanan a bati e pier for di abao. Tur esakinan mester wordo removi completamente y bay inspecciona tambe e resto pa wak con fuerte e ta, pa no bay haya dañonan wordo haci na e botonan, una bes cu permiti nan bin bek. Mas pronto posibel e tin cu wordo poni den funcion, mirando cu hopi di e piscadonan ta biba di esaki.
E minister ta contento toch cu e pasonan cu a tuma ultmo cu ta alerta e botonan y ta saca e botonan for di lama.
E minister a menciona algun aña pasa cu tempo cu tabata tin un otro pier, caminda cu e por corda cu e botonan a keda destrosa pasobra no tabata saca alerta pa e piscadonan saca nan botonan. Awor aki mester ta contento cu e no a sosode cu e boto di e piscadonan y awor aki tin cu bay inspecciona rapido y crea formanan cu toch por pone e pier den funcion. Pero si pa percura pa mas pronto posibel pone bek den funcion pa di e forma ey e piscadonan por haci uzo di e pier aki.
Minister Oduber a sigui splica cu naturalesa ta algo cu ni kico bo haci. Por ta por bin un hoos di ariba y por rek’e. Naturalesa ta algo cu no por hunga cune y na lama sigur cu no. No ta algo cu ta sosode un biaha pa aña. Ta algo cu ta spera cu no ta sosode mucho biaha. Pa bay haci inversion pa lant’e, y despues pa tin otro consecuencianan, mesun cos ta proteha e botonan hopi, compara cu antes, tur tin muraya na banda, caminda cu e ola no por dal e botonan, pero no a spera esaki.
Den tur su kietud, naturalesa a dicidi pa bati e pier y tambe e beachnan. E minister a cana hunto cu e demas GMnan, caminda cu por a mira basta daño.
E minister a reuni hunto cu Minister presidente y minister Sevinger, mas tanto riba e problematica di e strip di beach, caminda cu tin un compania cu ATA a paga p’e pa mira con por mehora e beachnan caba, aki papiando di esun entre Tamarijn y Divi Divi. Loke a tuma luga e fin di siman aki tabata bastante fuerte, segun Minister Oduber.