No ta por nada ta haci algo pa San Nicolas. Minister Otmar Oduber a bisa cu cultura y San Nicolas ta necesario pa turismo. Mester di tur dos. Ta nos pilar economico cu a base di busines plan y estudionan cu a wordo haci, a mustra dos cos. Mester tin herencia den nos pakete, nos mester cultura y mustra nos bishitantenan kico nos tin di ofrece. Despues di hopi estudio a identifica San Nicolas.
San Nicolas ta ciudad di cultura. Por mira cuanto hende ta biba na San Nicolas, cu ta mas di 90 nacionalidad, tempo di Lago, refineria y tur esnan cu ta biba hunto na San Nicolas, ta duna e ingredientenan exacto pa esaki. Oficina di Turismo, ta reuni cu nan strategicamente pa pusha via aruba.com, via e propagandanan cu antes no por a haci hopi, pero poco cu tabata mustra di nos cultura, loke nos ta para pe. Awor aki tur propaganda caminda cu nos ta envolve nos mesun artistanan, percura pa nan tur ta parti di naturalmente di loke e ofrecimento di e cultura ta hopi importante. Si y pa barconan crucero mesun cos. Barconan crucero a haya hendenan e mesun biaha. Nan no kier haya e mesun tournan cu ta bay ayo, arikok, of e destinacionnan ey.
Ta crea algo completamente nobo pariba di nos isla na San Nicolas, cu ta un tour cultura, di herencia, di museo, di artesano y esaki ta bay ta e ingrediente cu tabata busca pa San Nicolas.
Awor nos mester kere den dje y Gobierno ta haci di su parti. Ta pone un structura hunto cu tur e partnernan cu ta traha cu Gobierno. Nos por mira propietarionan di Gianny’s Group a percura pa cumpra un edificio caba eynan. Tin Madeirense caminda cu ta na notario cu otro inversionistanan a mira cu nan por haci algo. E Minister ta convenci cu e ta bay bira algo grandi pa San Nicolas. E ta bay bira grandi pa nos economia, segun Minister Oduber.