Na promer lugar mi ta desea di gradici directiva di San Nicolas Business Association pa e invitacion pa participa awe na nan Promer Business Summit,
San Nicolas su pueblo a warda cu pasenshi pa un dia asina aki por yega, caminda un Ggobierno cu animo, perseverancia y creatividad a tuma decisesicion firme pa trece un cambio di rumbo pa San Nicolas y su pueblo, y pa Aruba. San Nicolas awor ta bay tuma un dal su paso grandi den e direccion di desraroya su rol den nos Industria Turistico.
Ya ta decadanans cu e pueblo di San Nicolas su traahadornan y pueblo a traha den e sector turistico den e parti Noord di Aruba, ‘pabou di brug’ manera nos ta bisa, leu for di nan cas. Awor nan y nan yiunan den futuro sercano cercano por bay escoge pa traha y biba mas cerca di nan cas.
Minister Oduber a expresa cu ya pa hopi aña caba e mi ta admira e identidad special cu e ciudad di San Nicolas tin, su hendenan, su musica y su duishi cumindanan Ccaribense. Tur esaki cu tabata su inspiracion mi na momento cu emi tabata Ministerio di Turismo pa pone accion tras di e vision pa duna San Nicolas e oportunidad y apoyo cu e mester pa su identidad special bira un atraccion turistico cu por brinda e pueblo di San Nicolas un oportunidad economico den e sector aki di Turismo.
Renobacion San Nicolas
Na aña 2014…… mi a hiba un grupo di inversionista New Orleans nan Merca pa laga nan haya e inspiracion di con pa inverti y converti San Nicolas den “Caribbean City” di Aruba. Inversionistanan motiva a bolbe y a inverti den edificionan. Monumenten Bureau tambe a haya interes pa haci un inventario di e edificionan historico na San Nicolas pa asina nan por inverti den preserva y duna nan un funcion na e diferente edificionan historico di San Nicolas. A Mi a inicia e proyecto di renoba Promenade y awor mi a duna instruccion pa nos reanuda e trabaounan di e renovacion pa asina renovacion por wordo completa.
Awe nos por mira con Nicolas Store cu su identidad autentico ta duna San Nicolas un cara fresco y renoba, y pronto nos ta spera cu mas di e ehempelnan aki por bira realidad. Ademas, como mandatario Minister Oduber. Mi a stimula e arte di pintamento riba Muraya cu a cuminsa na San Nicolas, tres di e 5 museonan di Aruba awe ta na San Nicolas!
Pesey pues decadas ta buscando e Galiña cu por pone e webonan di oro pa San Nicolas, un compania hotelero cu ta dispuesto pa tuma e riesgo y inverti.
E Galiña di oro aki a ser encontra, esey ta ………..cu lo desaroya e Hotel “Secret Baby Beach Aruba”, un hotel di 5 strea All Inclusive cu den su promer fase lo construi 600 camber y den e di dos fase 300 camber mas. E hotel lo wordo construi den un area cu no ta “groen gebied” y cu ya pa decadas a ser asigna pa construccion di un hotel. Mi ta desea di añadi un punto importante; E centro di San Nicolas lo bira e Shopping Center di e Hotel, pues e hotel lo no inclui un Shopping Center den su facilidadnan. Gobierno di su banda lo bay construi un Boulevard cu ta conecta Downtown San Nicolas directamente cu e area hotelero na Sero Colorado, e ta bira un shortcut atractivo pa drenta y sali di e ciudad.
Ademas di e hotel “Secret Baby Beach Aruba” tin dos otro grupo di inversionista local cu tambe ta trahando riba nan proyecto di dos boutique hotel di 40 camber.
Pa loke ta infrastructura y medio ambiente; Baby Beach lo bay wordo amplia pa acomoda un fluho mas grandi di turista na e playa sin cu e pueblo local ta ser perhudica di por uza e beach.
Lo mantene e unico cueba bao di awa cu ta bao di e tereno, y e lo keda publico. Mi ta desea di enfatisa cu e hotel grandi no lo bin riba e tunnelnan di fosfaat, es mas; e desaroyadornan di e hotel a compromete pa yuda conserva y promove e tunnelnan como un atraccion turistico di e promer industria di Aruba.
E otro playanan lo ser amplia y preserva mas tanto posibel den nan estado natural.
Actualmente tin deliberacionnan basta intenso tumando lugar cu famia Hickenson encuanto di e hotel di e famia den centro di San Nicolas.
40 aña caba gobiernonan di diferente asignatura a purba haya inversionistanan interesa pa construi un hotel grandi pa San Nicolas.
Awor porfin nos a haya un grupo cu ta interesa, cu tin e capital y e boluntad pa inverti na San Nicolas y pa ta e pionero y trecker di e desaroyo turistico, e galiña di oro cu nos tabata buscando pa pone e webonan di oro pa un futuro nobo pa San Nicolas.
Finalisando Minister Oduber a bisa: ‘Mi ta felicita San Nicolas Business Association pa cu nan iniciativa pa organisa nan Promer Business Summit, mi ta spera cu e no ta e di promer, esta cu lo tin mas cumbrenan comercial economico cu por surgi di e iniciativa aki pa brinda asina e pueblo di San Nicolas un futuro nobo cu su identidad autentico Caribense.’