Despues cu e noticia di e ferry a sali den prensa, el a hala hopi atencion te na Gobierno ta yega pa wak si tin un permiso pa cual esaki te cu awe no tin nada di haber cun’e segun Minister di Transporte Otmar Oduber.
E mandatario a acerca director di Directie Scheepvaart pa mira kico tin como informacion y por a tuma nota cu e grupo algun aña pasa a mustra un intencion cu tin pa cuminsa cu un ferry en berdad entre islanan como tambe Venezuela como punto di origen, pero cu pa dos pa tres a tende nada mas te cu e anuncio cu a wordo treci recientemente. Directie Scheepvaart no conoce e detayenan y kico tin den e detayenan patras di e intencion di e compania Venezolano aki pa bin Aruba y cual por cierto por ta asina cu en principio e unico instancia cu nan lo mester acerca ta APA. Nan mester duna un blessing si of no si tin waf na e momento ey pa nan por para y pa cuanto ora of cuanto dia nan lo mester para, of cuanto biaha pa dia nan lo mester para na e waf. Den cuadro di esaki, e minister tin di compronde for di e director di Directie Scheepvaart, cu a solicita un reunion, cu lo mester a tuma luga awe merdia hunto cu APA, hunto cu Douane y imigracion y otro instancianan pa ta presente pa por haya sa for di APA mas detaye riba e posibel ferry aki cu lo ta interesa pa biaha pa Aruba.
Di parti di Gobierno mes, ministerio di turismo y transporte, no ta na altura, no a reuni, ni haya ningun informacion riba esaki tampoco te cu recien. E minister ta kere cu un posibilidad di un ferry pa Aruba, en berdad di parlamento tambe, vooral di PDR tabata bin hopi atencion of e sosten pa un tipo di ferry entre islanan y den esaki naturalmente mester percura pa cuerponan muy en particular, e cuerpo di Douane y imigracion pa ta hopi prepara, tanto personal como ekipo pa un posibel tipo di biahe asina aki via un ferry entre islanan y tambe si esaki ta bay origina si of no for di Venezuela.