Durante un conferencia di prensa convoca pa minister di transporte, Otmar Oduber, tin un proceso cu a cuminsa algun aña atras y no a bay facil. Un proceso pa independisa e parti di loke ta trata entre otro e trafico aereo, cu awe ANSA NV ta representa como NV, a tuma su tempo, a tuma su retonan. Manera cu a compromete, cu tanto empleadonan, controladornan di trafico aereo y cu Gerencia di ANSA, e paso cu a wordo tuma tabata e paso mas solido cu por tabata existi pa henter e organisacion aki. Tabata tin tres meta e tempo ey pa por independisa, privatisa, den e caso aki ANSA for di departamento di aviacion civil. E prome tabata cu semper ta para pa e aspecto di siguridad y safety cu mester tin pa loke ta transporte di persona den laira.
Di dos tabata e posicion huridico y manera el a yega di bisa, e proceso pa reconoce esnan cu ta labora den e industria aki y cu ta forma parti di e team di ANSA, cu un asunto cu pa hopi aña no a wordo regla y e di tres ta haci cu awe ta e parti di e inversionnan grandi cu ANSA ta brinda e oportunidad pa por logra metanan cu a wordo poni pa hopi aña y como departamento di gobierno no por a logra.
E aspecto di siguridad a wordo salvaguardia na tur momento. Empleadonan y tambe e proceso pa mehora y reconoce empleadonan, a tuma luga y tambe ta tras di lomba y awe segun e minister, ta na un momento historico, pasobra a papia pa hopi tempo riba un Surveillance System, antes yama radar, caminda cu hasta den pasado a adkiri un radar, pero cu no a fungi nunca pa e funcion cu e lo mester a fungi pa loke ta trata e trafico aereo y awe cu un ANSA, den menos di un aña y mey, ta den existencia. Ya caba ta yega na e fase. Ora cu e minister a bisa e director di ANSA cu den e business plan, ta poni cu na 2019 lo mester yega un Surveillance System y cierto momento a haci un compromiso cu e empleadonan y muy en particular cu e seccion pa loke ta e controladornan di trafico aereo, cu lo mester logre na 2019 y awor por bisa cu ta sinta na 2016, el a bira posibel.