Keto bay ATA no tin e miembronan di AHATA den board. Nos a acerca minister di turismo Otmar Oduber y a puntr’e kico ta bay haci pa e tema aki, mirando cu e maneho mester sigui pa e desaroyo di nos turismo.
Manera ta conoci, den e discusion cu tabata tin den e ultimo lunanan, na cuminsamento di e aña aki, pa loke ta e ley di All Inclusive, AHATA a tuma un posicion. AHATA, mirando cu naturalmente e instruccion lo a bin for di AHATA pa loke ta e tres miembronan cu tabata forma parti di e hunta di supervision di ATA. Tres miembro cu a wordo nomina y cu a wordo nombra pa e minister, a keda retira, of a pidi nan retiro y no a duna un motibo supecifico e tempo ey pa kico lo a retira. Mas aleu, tin di compronde cu hasta a firma un documento e tempo ey cu no ta permiti ningun partido di nan banda pa papia riba e motibo cu a retira e tres miembronan. Na diferente ocasion, e tempo ey a consider’e, mirando e campaña cu tabata tin y cu ta respeta e posicion tuma pa AHATA y algun di su miembronan, pa loke ta trata e interes personal cu tabata wordo atendi cune of a wordo defendi e tempo ey. Pero cu ta yega un momento awor aki, algun luna caba cu esaki a pasa den Parlamento, cu ta un ley un cu naturalmente e minister mes ta e persona cu ta responsabel conforme ley pa loke ta e maneho y cu e totalidad cu mester existi den e hunta di supervision cu e minister ta sinti y cu na e momentonan aki ta bira iresponsabel pa continua cu un hunta di comisario cu no ta carga su miembrecia den su totalidad.
Dicon e ta bisa esaki?
E motibo principal cu a bin cu un ATA Sui Generis ta conoci. Naturalmente pa por tin e finansas completamente independiente for di fondonan di Gobierno, ta crea oportunidadnan pa por profesionalisa ATA y reduci e gastonan pa Gobierno na un forma hopi fuerte, pero tambe un di e motibonan cu tabata pisa hopi e tempo ey tabata e balansa cu kier tin entre sector publico y sector priva cu ta e curason di e motibo di existencia di ATA Sui Generis. Na e momentonan aki, como e minister responsabel pa e hunta di comisario pa e supervision di ATA, no por garantisa e base amplio aki di e balansa cu tin pa motibo cu AHATA ainda no por caba di nomina e ultimo cuater nombernan pa di e forma ey nombra dos miembro mas cu pa ley ta poni cu ta AHATA mester nomina esakinan.
Door cu AHATA no por haya miembro pa sostene e hunta directiva di ATA, awe esaki ta stroba ATA su desaroyonan, segun minister Oduber.
E posibilidad for di Gobierno pa tin un hunta di supervision cu por funciona den forma optimal, pasobra e ta pa ley den man di AHATA y di otro banda di parti di AHATA no ta compronde e motibo of e rason pa cual ainda no por nomina e nombernan. Tin di compronde cu a wordo bisa cu ta dificil pa haya hende cu ta interesa. Segun e minister, ta kere mas cu esey a wordo bisa na mas cu un ocasion cu un eror a wordo haci na momento cu ta mustra na profesionalnan cu e opinion cu ta drenta aden den ATA cun’e, no por ta basa riba un opinion personal, pero cu ta keda cu e influencia di esun cu ta nominabo. Ta mescos cu si e tresnan di Gobierno por ehempel cu minister di Turismo ta nomina eyden, cierto momento cu cuminsa bisa nan kico nan mag y kico nan no mag di haci den un hunta di supervision asina. Ley ta bisa bon cla, cu unabes cu e wordo nomina, cu Gobierno y porcierto gobernador firma e landsbesluit di e miembronan, e ora ey ta actua riba un forma profesional y no den un forma cu ta representa esnan cu a nominabo den e hunta di supervision aki.
Esey ta e problema cu tin. Pero no por bay a costo den e caso aki di e instituto, e minister ta durf di bisa, mas importante pa loke ta economia di pais Aruba, cu ta e instituto di ATA Sui Generis. E ta keda e instituto cu ta produci y genera rond di 85%, 87% na e GDP, na e economia di pais Aruba y no por ta asina cu minister su mannan ta keda mara pa lunanan largo pa motibo cu AHATA no por nomina miembronan nobo. Kiermen un carta lo sali un biaha mas pa AHATA y di parti di e minister, esaki ta e ultimo, mirando cu ta un serie di carta y combersacion a tuma luga caba cu diferente miembro di AHATA y den combersacion cu e tabata tin cu diferente GM tambe durante ultimo dos pa tres simannan aki, mirando AHATA, como organisacion, no por a haya un contesta di Jim Hepple, pa sinta na mesa den un forma oficial Gobierno cu AHATA. E minister ta respete masha hopi mes den su forma profesional cu e ta traha. Tin combersacion diario pa loke ta funcionamento di turismo. E ta participa den diferente reunion. Mescos cu diferente GM, otro instancianan di mercadeo y diferente hotel cu ATA, pero no ta sano cu den e caso aki AHATA no ta caba di nomina, pasobra e minister mes no por djis tuma un decision como Gobierno pa hacie, pasobra tin cu cumpli cu ley. Despues di e carta di awe, a pidi un conseho huridico algun tempo pasa y lo pensa evalua si no por yega na un forma tranparente y cu den colaboracion pa loke ta trata e nominacion di miembronan cu cierto momento tin cu busca pa sa kico hues ta pensa riba e forma di anda aki, caminda cu no ta nomina e miembronan y ta laga e ora ey e hunta di supervision manca y mas importante ainda cu un actor importante cu ta den e caso aki e sector hotelero, hospitalidad di Aruba, no ta representa den e hunta di comisario manera cu originalmente e ley ta menciona, e minister a splica.