Minister Otmar Oduber a sali pafo topa cu trahadonan di Serlimar

Diahuebs mainta Minister Otmar Oduber encarga cu Serlimar a sali ricibi e trahadonan cu a trece un manifiesto pa tanto Gobernador, Parlamento y Gobierno di Aruba. E minister a saluda e empleadonan y a bisa cu el a sali pa ricibi esaki como respet na tur y e trabou enorme no awe pero na varios ocasion su persona a presenta na oficina di Serlimar durante ultimo 2 añanan y sali splica kico e Gobierno aki ta kere y pensa riba Serlimar. Awe cu boso trabou y tareanan y esfuerso den e trabou mi ta kere cu menos cu cualkier hende kier haci na Aruba a mustra cu e empresa aki tin un motibo di existencia y e Gobierno aki ta garantisa boso e existencia pa futuro y lo keda e compania nacional di recoge sushi pa pais Aruba, asina e mandatario a bisa pa tur presente.

Sr Otmar Oduber a sigui menciona cu nos ta na e momento di cambio, cambio semper ta bin cu resistencia, 70 pa 80 aña no tabata tin interes kico ta pasa cu sushi y den boso manifesto a bise cu e sushi cu tur hende ta desprecia awe ta bira motibo di discusion y pesei como Gobierno e mandatario kier a pidi como esnan cu ta garantisa boso existencia y ta comprometi na mantene boso como e compania nacional cu tur e inversion ta haciendo na e momentonan aki pa tin ekipo nobo, material, pa tin existencia pa como ser hurmano tata y mama cu ta traha na Serlimar y cu Gobierno a percura pa na Parlamento a yega un leu caminda cu pa prome biaha despues di 14 aña como S.G ta bay duna Serlimar e oportunidad pa para riba su propio pia y no depende kende ta e Gobienro na turno cu e compania ta wordo maneha y con e ta haya su beneficionan.

Minister Otmar Oduber a convenci cu Parlamento lo duna sosten pa e compania para riba su propio pia y Minister Oduber a pidi e trahadonan presente cu e kier pa nan sigui haci e tremendo trabou cu nan ta haciendo e ultimo luna y añanan aki y no cay den e discusion cu porta cierto grupo kier pa cay aden.

Limpiesa y maneho di desperdicio di sushi y recogemento di desperdicio y sushi aki nan na Aruba, tur hende mester compronde cu na e momentonan aki no ta un cuestion di serlimar y no cuestion di un otro compania priva y ni kende ta e minister na mando, ta cuestion di cu mester tin un maneho nacional pa atende e desperdicio di sushi sino nos tur Serlimar, compania priva, Gobierno nos conciudadanonan ta bay sufri di e desaster cu tin na Parkietenbos y cu boso a wordo expone na dje aña aden aña afo, esei ta e motibo cu nos a tuma desicion aña pasa.

Minister Oduber a pidi e trahadonan cu e mes un comprension cu a sinta y reuni y a papia cu otro cada un reunion cu tabata tin por a mira cu a bin ta cumpli cu nan, antes porta no a pensa cu lo bay tin ekiponan nobo, despues di 10 aña pa e pueblo haya su barinan nobo y no a pensa cu como compania ta bay tin un Gobierno cu lo para 100 % tras di Serlimar

Comments

comments