Diaranson mainta Minister di Desaroyo Teritorial, Infrastructura y Medio Ambiente Otmar Oduber a ricibi e estado financiero di Serlimar pa e añanan 2012 te cu 2015. Ta felicita e Raad van Toezicht y Directiva di Serlimar pa e empeño y trabou duro cu nan a haci durante ultimo 5 lunanan aki pa por keda cla cu e estadonan financiero di 2012 pa 2015. No por tin maneho eficiente si no tin un bista cla di e situacion financiero di Serlimar
Na un forma regular ta tene encuentronan cu Raad van Toezicht di Serlimar y tambe e Directiva di Serlimar. Tin varios cambio grandi cu tincu tuma luga ora cu bo tin un organisacion cu aworaki ta traha segun reglanan y ta percura pa tin e ordo riba e aspecto financiero cu ta hopi importante. Hopi biaha ta papia di e parti operacional unda cu Serlimar tin mas di 13 miyon den lista di esnan cu nan debe y cu e situacion di Serlimar a bay drasticamente atras durante di e ultimo añanan. Esaki entre otro ta parti di e motibo cu a tuma un decision pa institui un ‘audit committee’ cu ta reuni regularmente pa trata e parti di operacion y finansas pa por tin claridad.
‘Como Minister encarga cu Serlimar actualmente pa 8 luna, mi ta puntra mi mes cu si ta awe mi a wordo entrega estadonan financierodi añanan 2012 te cu 2015 y nos ta den aña 2018, ta con bo ta draai un compania den aña 2018 si bo no sa kico a sosode cu e compania den aña 2012 bin dilanti. Ta casi 7 aña cu no tin un bista/ claridad riba e procesonan di con pa hiba e finansas di e compania. Mientras cu sa cu na 2015 a tuma decisionnan bastante ‘descabeya’ den Serlimar di unda cu un suma di casi 7 miyon florin pa aña ta bay na e ploeg nan. Ainda no por a mira e consecuencia di esaki como cu e ta bin den añanan 2016 y 2017. A pidi e Raad van Toezicht pa mas pronto cu ta posibel haya eestadonan financierodi e dos añanan aki tambe.’
Finalisando, Minster Oduber ta gradici e Raad van Toezicht y directiva pa e trabou intensivo cu nan a haci pa pusha pa den e ultimo 5 pa 6 lunanan aki por termina e 4 cuentanan anual aki di 2012 te cu 2015 y pa sigui pusha pa por haya 2016 y 2017 tambe hopi pronto y cu nan ta ‘on top of things’. Pa por haya un bista berdadero di kico e consecuencianan financiero tabata den e compania, pa por dicidi di diseña un modelo di maneho cu bo kier hiba den e compania a base di cifras y no a base di emocion of operacion cu bo ta sinti cu e compania mester hiba.