Schoolgeld ta keda un tema cu ta completamente den man di directiva di Scol, den e caso aki SKOA y esaki ta un procedura pa loke ta trata cuanto schoolgeld ta cobra y ken ta e personanan cu lo bin na remarca pa of un reduccion den schoolgeld of diferente forma di por page, segun minister di enseñansa, Michelle Hooyboer-Winklaar. Sea ta kwijtschelding of sea ta pagonan den tres of mas biaha. Gobierno ta conciente y a wordo informa tambe for di no solamente directivanan di scol y otro directiva cu pa añanan cu ta e proceduranan cu ta wordo uza. Si tin grupo cu tin dificultad pa paga schoolgeld, tin cu acerca e directiva y tin cu mustra cu en berdad cu ta un dificultad. Esaki ta e motibo tras di dje, y ta traha cu varios famia, cual ta pasando caba.
Pa loke ta famianan riba bijstand, esaki ta wordo regla via sociale zaken. Schoolgeld y diferente fondo pa material di scol, tambe tur aña, mescos cu proceduranan cu ta existi ya caba pa 6 of 7 aña, ta meld na sociale zaken, ta mustra cu e muchanan ta inscribi na scol y esakinan ta e gastonan y ta haya esakinan bek.
Pa loke ta trata atrobe e gruponan ey, esaki ta completamente den man di e directiva. Si tin un necesidad cu Gobierno mester cay aden, esey ta den man di directiva pa kart esey aan, sea ta bisa cu ta un falta di un bashi cu tin entre e placa cu a ricibi pa schoolgeld y ta deseo pa haci cierto actividadnan y acerca Gobierno pa esey. Te awor aki no a haya nada di SKOA relaciona cu esey.
Schoolgeld ta specificamente pa actividadnan extra curricular cu nan ta desea di hiba. Sea ta materialnan extra den cas, un celebracion, schoolreis, esey ta e placa cu ta wordo destina pa esey. Tin di compronde cu e ta depende di e scol, ta depende di e directivanan. Esey tin espacio pa cada directiva dicidi riba e parti eynan y Gobierno ta honra esey. No ta mete den e proceso eynan. Si dentro di un periodo di scol, ta determina e placa cu ta bay haya y e placa cu anticipa of cu tin mester pa haci cierto actividadnan aki, no por cer’e, e ora e procedura ta in place.