Minister Marisol Lopez Tromp encarga cu Infrastructura a bishita e trabounan cu a tuma luga den siman e caminda di Wayaca cu ta sali pa Mahuma. Ta un caminda di santo cu ta wordo hopi usa pa ambulance cu tin cu sali cu urgencia pa salba un bida, pero debi na e buraconan e ambulance no por core mas lihe pa asina yega na e caminda bon di Mahuma y asina sigui su caminda.
E mandatario a menciona asfaltamento di caminda tempo cu a institui fondo pa caretera cu mas di 15 aña pasa cu esaki a crea e posbilidad pa pone placa structural pa drecha nos camindanan na Aruba, awe ta wak loke ta keda construi e caminda di Wayaca ta di presupuesto 2019 unda e ex Minister di Infrastructura Otmar Oduber tabata tin esaki den su plan y awor aki ta trahando riba e presupuesto di 2020 unda ta spera cu lo ubica un suma pa no solamente traha bon caminda pero pa yuda stimula nos economia y tipo di proyectonan manera esaki no solamente bo ta percura pa drecha e calidad di bida y bon caminda pa kita molester di stof y bo ta percura pa cupo di trabou pa esnan cu ta traha den e field aki.
Peticion tin na cantidad cu nos ta ricibi di ciudadanonan cu ta pidi pa nan caminda keda asfalta y ta pidi pa pone hopi verkeersplateau unda automobilistanan ta core cu velocidad halto y esakinan lo keda avalua y den parlamento unda e decision lo cay cuanto exactamente lo keda poni pa drechamento di caminda y mi peticion ta sigur pa continua cu e sumanan cu a bin ta pone den e añanan ta pasa pa drecha nos camindanan mas miho posibel pa awo y futuro, asina Minister Marisol Lopez Tromp a splica den un entrevista.