Minister di Enseñansa Sr. Lampe den conferencia a comenta e hunto cu Minister di Cultura y Minister di Telecomunicacion a firma e decreto unda ta declara aña 2018 como aña di Papiamento. E decreto ta bisa cu e idioma materno di nos pais ta Papiamento y ta di suma importancia y desaroyo di e pueblo di Aruba, Gobierno tin un papel importante di guia e desaroyo di Papiamento y minister di enseñansa a dicidi pa introduci for di 2018 e plan di implementacion di scol multi lengual. Tumando na cuenta cu 22 di Mei 2018 Papiamento ta cumpli 15 aña como idioma oficial di Aruba y esaki ta di gran importancia pa nos celebra esaki den cuadro di introduccion di e scol multi lengual. E decreto aki ta un impuhe extra pa introduccion di multi lengual y cu experencia a demostra cu declarando aña di papiamento tin un efecto positivo riba tur instancianan y personanan cu por continua cu nan actividadnan di defende papiamento.
Aserca Minister di Enseñansa a splica cu e idioma di Papiamento ta nos tin cu defende, Aruba ta e prome pais den Reino cu na 2003 a declara papiamento como idioma oficial. Fundacion Lanta Papiamento ta esnan cu a duna e empuhe aki, y Minister ta contento cu esaki. Si nos wak bek 15 aña despues tin cierto peligernan riba e futuro di papiamento si nos no sali na su defensa, cifranan no ta gaña y ya esnan cu tin idioma materno papiamento na Boneiro ta desminuyendo drasticamente. Na Boneiro caba tin un peliger cu e idioma por disparce den futuro. Na Hulanda e cantidad di esnan cu nan idioma materno ta papiamento tambe a baha drasticamente tur e Arubianonan, Curacao cu ta papia papiamento y ta bibando na Hulanda ya no ta domina papiamento mas. Esaki ta conta mescos cu e islanan ariba cu nos sa hopi tabata domina e papiamento y a crece na Aruba of Curacao y ta bibando na islanan ariba tambe desminuyendo, minister Lampe a bisa si e trend sigui asina papiamento tin e peliger di por ta un idioma cu lo por disparce.
Nos tin e compromiso aki y ta depende di nos pa nos en berdad Aruba tin cu hunga un rol di lider den defensa di Papiamento pa fortifica esaki y mundo henter su bista ta riba esaki. rond mundo tin e conciencia cu e idiomanan aki y idioma papiamento ta un di esnan mas valioso sin nos wak e denter di e idiomanan crioyoyo mirando e literatura cu a keda desaroya cu ta idioma bibo aki na Aruba y reunion di Parlamento ta tuma luga na Papiamento y e ta un di e idiomanan criyoyo mas desaroya na nivel mundial, asina Minister di enseñasa Sr. Armando ‘ Rudy ‘ Lampe a comenta.
https://www.facebook.com/masnoticia/videos/1538186402885609/