Diamars 26 maart dr. Armando Rudy Lampe – Minister Enseñansa, Ciencia, Desaroyo Sostenibel a hiba palabra na e cumbre di e Plan Educacion Nacional 2030 ( PEN 2030). Esaki ta e plan di maneho pa cu educacion en general na Aruba. Minister Lampe a splica cu muchanan ta central y cu educacion a bira mas universal y cu no ta tuma lugar mas solamente entre murayanan di un scol. Nos educadornan mester ta conciente cu nos calidad di enseñanSa no ta igual mas cu e realidad di bida.
https://www.facebook.com/masnoticia/videos/774258552958537/
Un mucha awendia tin otro necesidad di enseñansa cu muchanan di 10 aña pasa y como docente, lider o un educador nos mester adapta nos mes na esey, pasobra si na final di dia si nos no acepta e realidad di bida nos lo wordo “delete”. Den un sala completamente yen di educadornan y algun stakeholders den enseñansa a presenta e PEN 2030 y a motiva esnan presente pa carga e plan y traha conhuntamente pa e plan keda wordo adapta ora cu mester y claro pa e wordo ehecuta pa na final nos logra pa enberdad e calidad y e realidad ta igual cu otro. Despues di presenta e PEN 2030, esnan presente por a warda ariba e 3 ultimo nominadonan pa e Appel di Oro 2018 cualnan tabata den categoria di maestro di aña: Sra. Nicole Villada di Sint Franciscus College, Sra. Minoushka Falconi – Toppenberg di Colegio Sagrado Curason y Sr. Bas Willemsen di E.P.B. Horeca San Nicolas. Den categoria di dirigente di aña tabata: Sra. Maritza Carrion di Scol Preparatorio Cacique Aterima, Sra. Sonja Goedhoop di Commandeur Pieter Boer Kleuter-school y Sra. Nadine Kirindongo di Sint Franciscus College. Pa den categoria di proyecto di aña e ultimo 3 nominadonan tabata: Nos Hofi di Scol Caiquetio, MO-B Lab (Bus inovativo) di Christie Mettes y Desaroya material pa les ZMLK-niveau di Scol Dun’un Man. Den e ultimo categoria cu tabata pa “Lifetime Achievement” e ultimo 3 nominadonan tabata: Sr. Reginald Altman di Filomena College MAVO, Sra. Joyce Pereira di Colegio Arubano & I.P.A. y por ultimo Sr. Tommy Grant di E.P.I. Ciencia & Tecnologia. Den un proximo articulo lo elabora mas ariba e premiacion Appel di Ora 2018. Pa clausura a brinda hunto pa un plan exitoso na unda cu nos tur lo por ta satisfecho cu ne.