Na Prinses Amalia Basisschool a celebra un momento hopi special pa e motibo cu e yega na e punto di mas halto di e construccion. Den cuadro di esaki, Minister di Enseñansa, Michelle Hooyboer-Winklaar a haci un recorido den e scol despues di 7 luna cu tabata eynan na inicio. Na e momento ey tabata tin diferente studiante cu a yuda devela e borchi y Awor tur esnan cu ta forma partí di e scol ta hopi contento pa ta bek pa haya un rondleiding hunto cu e juffrouwnan pa mira nan futuro cas.
Segun e mandatario, ta premira cu e scol lo keda full cla entre April y Mei 2017 y ya caba nan a cuminsa visualisa e colornan cu hopi emocion. Esaki ta un scol cu semper tabata hopi activo, uni y cu ta haci un tremendo trabao pa nos enseñanza.
” E Scol lo habri school jaar 2017-2018 den un edificio completamente nobo. Aunke e parti di preparacion ta tuma su tempo y kizas no ta mira progreso semoer, una bes e proyecto yega na e fase aki por mira kico tur a wordo haci y kico tur den un par di tempo ta bay wordo haci, esaki ta crea mas entusiasmo”, e mandatario a expresa.
Pa final di dia lo tin un scol completamente nobo den e bario aki cu ta bay tin aspectonan hopi moderno y innovativo. Atrobe ta mira e importancia y e prioridad cu tin riba enseñansa, Minister Hooyboer-Winklaar a subraya. El a agrega cu tin un lista amplio di diferente proyecto cu ta actualmente andando. Pero semper lo keda busca e manera pa haci e cosnan mas eficiente manera e parti structural y mantencion.
“Nos ta hopi contento con nos ta mira e progreso despues di 4 aña y casi 25 miyon florin cu ta hincando den e partidi infrastructura. E proyecto aki riba su mes ta afl 5.9 miyon, cu ta haci’e un proyecto bastante grandi.” e mandatario a bisa. Tin mas proyecto na caminda. Tin un lista amplio di diferente renobacion cu mester tuma luga, pero ta hopi contento cu por mira e progreso te cu awo, e minister a finalisa bisando.