Recientemente Minister Plenipotenciario Guilfred Besaril a haci un bishita di trabao na Centro di Cria y Agricultura Santa Rosa. E mandatario a wordo acompaña na e ocasion aki pa directora di Arina, Sra. Sharon Erasmus.
Na Santa Rosa Sr. Besaril a wordo ricibi pa funcionarionan di e centro, kendenan a duna e mandatario un guia y informacion riba e trabaonan cu Santa Rosa ta desplega pa e sector primario na Aruba. Minister Besaril a bisa cu meta di su bishita ta pa sondea e posibilidadnan cu por tin na Hoge scholen of Universidad na Hulanda pa fortifica e sector primario na Aruba. ‘
Gobierno di Aruba a stipula como un di nan prioridad di maneho pa enfoca mas riba e sector primario pa esaki por crece y bira un sector importante pa economia di Aruba’, asina Minister Plenipotenciario Guillfred Besaril a bisa.
Finalmente Sr. Besaril a gradici e funcionarionan di Santa Rosa pa nan guia y informacion duna na su persona.