Minister Guilfred Besaril Minister Plenipotenciario pa Aruba na Hulanda e siman aki lo bay Hulanda definitivamente.
Despues di su huramentacion dia 17 november, e no por a bay Hulanda ainda pasobra e cas di e minister tabata ocupa ainda pa ex Minister Juan David Yrausquin.
Segun areglonan di Arubahuis e ex Minister por a keda den e cas te fin di December 2017.
Pa e motibo ey Sr. Besaril no por a bay biba na Hulanda prome. E mester a bay Hulanda si pa atende e reunionnan di conseho di Minister di Reino na November y na December.
Awor e momento a yega pa e bay biba na Hulanda y duna asina e representacion di Aruba na Hulanda un otro cara. E lo tin e encargo di reorganisa Arubahuis y promove inversionistanan Hulandes y Europeo pa inverti na Aruba.
Prome cu su biahe el a reuni cu Prome Minister Evelyn Wever-Croes. Gobierno di Aruba ta desea Sr. Besaril tur cos bon na Hulanda.