Minister Glenbert Croes: Ta un honor grandi di por a presenta e crisisplan social na Raad van State

Minister Glenbert Croes ta consider’e un gran honor di por a haci su raportahe y
apelacion na Raad van State unda tabata presente Sr. Thom de Graaf, Sra. Milly
Schwengle di Aruba, Sr. Ron van der Veer y Sr. Rob Visser. E mandatario a duna un splicacion amplio di e pakico di su biahe pa Hulanda. Mirando cu desde e prome dia e Crisisplan Social a haya sosten financiero for di Hulanda, ta su opinion cu e mester entrega personalmente un raportahe di e avancenan logra te cu awo. Na Aruba, a compila e avancenan di e plan, como tambe a ricibi e estado di cuenta for di Departamento di Finanzas. For di Unicef tambe a ricibi su relato di trabou como tambe financiero. A compila tur documento den un solo raportahe
cu a keda entrega na tur 21 Parlamentario di Aruba, na Minister President di nos Pais y na tur instancia concerni na Hulanda demostrando cu e Crisisplan Social di Aruba ta traha a base di transparencia lagando semper e berdad ta e guia pa por logra e miho pa nos Pais.

Comments

comments