Minister encarga cu deporte sr Endy Croes diadomingo anochi tabata presente na Joe LaVeist di e clinica di futbol cu a tuma luga entre hobennan. Minister Endy Croes a menciona cu aña pasa e tabata t’ey presente como parlamentario y e mes un instituto aki SIA di sr Donata y full su ekipo a organisa algo similar tambe. Durante aña tambe a organisa esakinan na otro veldnan y cu un fundacion internacional di Hulanda y un ex top futbolista ta participa. Minister Endy ta contento di wak e muchanan cu nan uniform nobo y a compronde cu ta un inversion di 8 pa 10 mil florin, y ta pa edad di muchanan entre 6 pa 14 aña por a ricibi e clinica aki.
Nos kier stimula deporte di masa, y deportenan individual tambe y pariba di brug lo bay mira e cambionan aki y lo bay drecha algun infrastructura y yuda SV pa nan ta mucho mas activo y lo bay ortoga mas material tambe. Minister Endy Croes a duna di conoce lo bay inclui mas deporte den klasnan 4,5,6 pa full Aruba.