Riba e pregunta kico ta para cu e ley pa yuda hendenan cu haya problema afo cu nan salud, minister dr. Alex Schwengle, a splica cu tin un tiki retraso riba dje y tin di haber cu su mes.
Leu a leu e mester traha como dokter tambe. El a papia si algun siman pasa cu Departamento di Asuntonan Exterior. Awor aki e minister mester confirma cu Prome Minister pa bay lanta un comision. No lo ta mal idea si e Departamento aki ta e trekker di e proceso, unda cu lo mester stipula bon den un protocol kico ta e pasonane ora, ora cu un hende pega den exterior, pa cualkier motibo, cual ta e pasonan cu nan mester tuma y ta cla y con hopi ta bay dura. Tin biaha e minister ta keda fastioso cu cierto procesonan ta tarda hopi, pero ta asina e ta.
Si bin un otro caso por estilo, e minister no por a bisa. Semper si gobierno tey pa yuda y e sa e pasonan cu e tin cu cana, e sa ken tur pa tuma contacto. Cu e experiencia aki kier ankr’e den un protocol pa un futuro generacion. Te ainda ta kere cu door cu bin e protocol, e lo tura por lo menos un siman toch. Tin varios procedura legal cu tin cu wordo cana.
Tin biaha algun hende ta biaha sin seguro. Tin cu duna e ora opdracht di nobo na AZV, pasobra a yega di haci’e den pasado. Kisas otro instancia tambe pa bolbe tene un campaña of manda carta pa tur cas pa tene cuenta cu si bay riba bo mes, corda cera un seguro di biahe. Tin diferente sorto di seguro di biaha. Algun ta cubri e maleta of camara cu bo perde, pero despues no ta cubri nada mas. Les’e bon kico e ta cubri y con leu bo kier. Segun e minister, pa ley, no mag di nenga un seguro, si bo tin un malesa cronico. Tin biaha ta bisa esey, pero e consecuencia ta si, cu mester paga un suma hopi mas grandi pa bo seguro, e minister a splica.