E relacion entre Minister di Turismo, Otmar Oduber y AHATA ta bon. Sinembargo cu e ley di all inclusive kisas algun cos no a bay mucho bon. Asina mes, nan ta sigui traha hunto.
E mandatario a duna su reaccion siman pasa. El a scucha Parlamentario Ady Thijsen di partido MEP, kende ta un hurista/abogado. Scuchando declaracionnan,e no sa si Ady Thijsen ta riba payroll di AHATA of ta conseha AHATA si nan tin cu bay den un caso si of no.
Oduber no a bise unicamente di Parlamento, bao di imunidad di Parlamento y tambe pafo den prensa, caminda el a bisa cu e no ta haya corecto y ta lamenta cu Raad van Advies a saca un comunicado di prensa, cu Oduber a insulta e organo aki. E no ta kere un critica cu ta basa riba un documentacion, a base di un mail cu ta draai rond den e seno di AHATA, caminda cu cierto momento nan tabata considera bao di nan miembrecia, cu tin personanan ta representa AHATA den Raad van Advies, cu esaki lo ta algo corecto. Oduber ta contento cu Raad van Advies, den nan comunicado di prensa ta clarifica cu en todo caso, na momentonan cu tabata discuti riba e conseho cu tin cu bin riba e ley di all inclusive, cierto personanan no tabata duna of no tabata forma parti di e conclusionnan cu tabata wordo haci door di Raad van Advies. Esey ta trece un trankilidad hopi grandi pa un critica cu a wordo lansa. Pero ta bon tambe e ora pa e organonan cu tabata pensa di influencia Raad van Advies pa tuma nota di e declaracionnan aki.
Cu si ta purba di referi na si un caso mester wordo lanta si of no, den e caso aki oposicion ta haci su trabao. E ta purba di crea conflictonan caminda cu nan ta sinti cu nan por logra esaki, pero di un otro banda tin cu bisa cu e relacion cu e minister tin cu e diferente hoteleronan, diferente GM, incluso sr. Jim Hepple, ta uno masha profesional mes y te dia di awe y semper durante henter e polemica a keda masha profesional cu otro. A hiba diferente debate conhunto, tabata tin diferente reunion cu a atende tambe conhunto. Trabaonan di ATA y AHATA ta continua manera tabata tuma luga. Diferente encuentro di mercadeo tambe. Recientemente a nombra un persona den hunta di Supervision di ATA, den e caso aki sr. Leonel de Cuba, cu tabata un proposicion di AHTA cu a drenta dos pa tres siman pasa. Trabaonan ta sigui normal, segun e mandatario.
