Minister di Turismo Dangui Oduber a tene su prome reunion cu CEO di ATA sra Ronella Tjin Asjoe-Croes. Un reunion hopi positivo cu a bai den hopi bon esfera. E mandatario y e CEO di ATA a discuti hopi punto di interes comun di nos unico pilar economico. Durante e reunion aki a toca hopi tema importante y tambe e mandatario a comparti su vision cu e CEO di ATA.
CEO di ATA a presenta e resultado financiero na minister Oduber y minister a keda sumanente satisfecho cu e performance di ATA. Tambe a trata e presupuesto di anja 2018 caminda e CEO di ATA a duna un splicacion amplio riba esaki.
Minister Oduber a haya un impresion hopi positivo riba e maneho di ATA y tambe riba e grado di profesionalismo cu e organisacionnan aki ta wordo maneha. Minister Oduber a haya importante pa comparti e vision di e gobierno nobo cu ATA y tambe streamline cu ATA kico ta e maneho cu lo wordo hiba pa loke ta trata turismo pa e proximo 4 añanan. E cifranan pa loke ta trata e cantidad di placa cu ta wordo laga atras den nos economia ta sumamente positivo. ATA y ministerio di turismo a palabra cu lo traha hunto na un manera transparente y lo percura pa hunto cu tur otro stakeholders sigui engrandece nos turismo.