Minister di Turismo, Salubridad, y Deporte Sr. Dangui Oduber diahuebs mainta den un conferencia di prensa a comenta kico su ministerio ta haciendo ultimo tres simannan di Gobierno unda ta inventarisando unda no a haya un transpasdo manera ta conoci y mester a cuminsa di nobo.
Tabata importante pa reuni cu tur e hoofd van dienstnan y tur e directornan y trahadonan haci bishita na diferente departamentona cu ta resorta bou di e Ministerio aki.
Logicamente nos tin nos plan di Gobernacion y e maneho di Turismo, Salubridad y Deporte kico nos kier haci riba cada tereno pa otro siman lo tin algun anuncio grandi pa loke ta trata salubridad publico.
Minister Dangui Oduber kier a comenta e kier a papia di e iresponsabilidad di e Gobierno anterior pasobra nan ta den oposicion awe y ta bisa cu nan a laga tur cos bon regla atras a laga placa y a haci un traspaso y a laga material etc.
Un departamento di Gobierno cu ta Nv cu ta ATA sui generis y AZV cu tur ta resorta bou ministerio di Minister Dangui Oduber. Kico realmente Gabinete Mike Eman 1 y 2 a laga atras pasobra ta un lastima.
Pa loke ta trata ATA a tene varios reunion cu e CEO y a haya varios presentacion y ATA na momento cu a keda funda como sui generis ley ta stipula cu 15 di cada luna Gobierno mester traspasa e tourism levy, e room tax cu hotelnan ta cobra turistanan.
E suma di placa aki mester wordo traspasa pa ATA pasobra esaki ta e entrada di mas grandi cu ATA ta ricibi basa riba e entrada aki ATA ta paga su gastonan operacional, mercadeo y ATA ta draai riba e fondonan aki.
Na e momentonan aki pa prome biaha den historia desde cu ATA a keda funda como sui generis ATA tin problema cu cash flow. E Gobierno anterior gabinete Mike Eman 1 y 2 pa cinco luna caba cu nos a bin hereda e situacion aki no a traspasa e tourism levy pa ATA.
Gobierno di Aruba LandAruba tin un debe caba ne momento aki cu ATA di 22 miyon florin y segun ley Gobierno mester paga ATA riba 15 di tur luna. Kico Gabinete Mike Eman a haci ta keda cu e placa nombra coordinadornan, usa e placa di ATA pa otro destinacionnan cu e pensamento cu nan lo gana e eleccion pero awe tin otro Gobierno y nos ta hereda esaki y ta lamenta.
Minister Oduber a bisa riba dje cu e deficit financiero ta mas cu 130 miyon y ainda bo ta bin hayabo cu e tipo di sorpresanan aki cu ATA ta bisa cu si e no haya e placa den e proximo dos simannan aki aña ta bay cera y habri cu ata pa prome bes den historia den cifra negativo.