Transporte Publico na Aruba, conforme Ordenansa Nacional di Transportacion Publico, ta transportacion di persona via di un vehiculo cu tin permiso otorga pa e Minister encarga cu Transporte Publico, contra pago di punto A pa punto B. E vehiculonan cu ta ofrece un servicio di transportacion contra pago ta den obligacion di reglamenta un seguro di pasahero.
Vehiculonan cu tin plachi di number cu ta cuminsa cu e leternan TX (taxi), T (tour), O (ongeregeld vervoer), B (autobus) y otro medionan di transportacion cu ta uza plachi di number MFV (motorfietsverhuur), V (verhuurauto), ta cay directamente bou encargo di Ministerio di Transporte Publico.
Departamento di Transporte Publico tin solamente e autoridad y responsabilidad pa controla esnan activo den transporte publico banda di polis.
Tur otro vehiculonan cu otro tipo di plachi di number cu ta transporta persona, contra pago di punto A pa punto B, sin tin permiso otorga pa Minister encarga cu Transporte, ta cometiendo un acto ilegal y por enfrenta cargonan penal pa cu esaki.
Ta importante pa remarca cu vehiculonan cu brinda un servicio di transporte contra pago no ta paga seguro di pasahero. Dus, cualkier persona cu haci uzo di cualkier forma di transporte no reglamenta pa e autoridadnan competente, ta tumando un risico grandi pa cu su integridad fisico y seguridad personal. Esaki ta nifica cu servicionan di transporte a base di pago cu wordo ofreci door personanan cu ta haci uzo di un vehiculo cu plachi number A (auto), ta tumando parti di un acto ilegal y contra nos Ordenansa Nacional di Transporte Publico. Como tal, na momento di duna of haci uzo di un servicio di taxi pirata polis como e unico instancia oficial pa actua den e casonan aki, lo bay haci uzo di nan competencia pa actua segun ley.