Pa minister dr. Alex Schwengle, como minister di salud, e huma riba dump ta un problema serio pa salud di hende.
E ta splica cu e dump riba su mes no ta algo bon pa nos salud y ta un problema cu ta existi pa hopi aña largo y cada biaha e ta crece door cu poblacion ta keda produci sushi den tur sorto di forma. Di su mesun experiencia, e minister ta kere cu tin cu bay haci algun cos sigur. Mester bay weg e sushi mas hopi posibel. Di parti di Gobierno, ta papiando cu PAHO pa haci un wateronderzoek pa pais Aruba. A haci un investigacion asina dos aña pasa di e calidad di awa na Aruba. Pero e awa cu nan mes ta produci y haci’e na e momento cu nan ta produci’e te cu e ta sali for di kramchi, cu bon resultado, pero mester un analisis di e awa completo, rond di Aruba tambe y riba Aruba. Esey ta na caminda y ta premira cu ta bay tin algun problema eynan. E dump, apart cu e ta duna un molester grandi door di e holor, e tin su riesgonan, vooral si tin sushi cu ta kima, no sa exactamente kico tin den e aire e ora y e por causa daño na salud di e poblacion cerca di e dump, entre otro ocasiona atakenan di asma, por duna bronchitis cronico, por duna infeccion di pulmon, etc. Pero tambe ta preocupa cu e awa, door cu sa e dump su laagnan ta asina grandi, e ta premie y ta produci sushi cu tambe ta drip bay den awa. Ta un preocupacion grandi. Nos tur ta conciente cu nos mester bay percura di e asunto aki mas lihe posibel. Schwengle tey pa duna sosten na su colega, pero e maneho en principio ta den su man. Di un otro tin un responsabilidad di Gobierno mester carga, pero di un otro banda, pueblo tambe tin cierto responsabilidad cune.