Internacional: Ministro di Asuntonan Exterior di Rusia, Sergey Lavrov, a bisa cu Estados Unidos y otro paisnan aliado di Ucrania ta “directamente na guera” cu Moscou. Un periodista a puntra Lavrov den ki momento Estados Unidos ta envolvi directamente den un guera contra Rusia, den luga di envolvi den un conflicto pa poder.
“Bo por yam’e manera bo kier, pero nan ta directamente na guera cu nos. Nos por yam’e guera hibrido, pero esaki no ta cambia e realidad”, Lavrov a bisa. “Nan ta efectivamente envolví den hostilidadnan cu nos, usando e Ucranianonan manera carni di balota”, el a sigui bisa.
E ministro di Relacionnan Exterior a bisa cu Estados Unidos, Reino Unido y hopi otro paisnan ta “librando un guera” contra Rusia y ta participando den hostilidadnan contra e pais.
Lavrov a bisa cu Estados Unidos y otro paisnan ta entrega cantidadnan cada vez mas grandi di arma na Kyiv, mientras cu satelitenan militar y avionnan di inteligencia di e paisnan aki tambe ta wordo usa contra Moscou.
Algun contexto: Moscou a marca su invacion di Ucrania, cu nan ta yama frecuentemente un “operacion militar especial,” manera un lucha contra e intentonan di e potencianan occidental pa domina e scenario global.
E aliadonan di Kyiv y e organisacionnan internacionalnan a desmenti e caracterisacion aki, bisa cu nan ta yudando pa defeni Ucrania for di un invasion no provoca y un intento di apropia teritorio.
