Na diferente departamento, e aspecto humano, personal no a haya e atencion completo. Minister Otmar Oduber, ta amplia mas ariba esaki.
E minister tabata tin un reunion cu sindicatonan y tameb cu e directie di e.o. DOW. Poco poco ya den 6 siman di gobernacion nan tabata hopi druk den trabaonan cu ta wordo haci y nan lo tuma esaki sigur, dun’e atencion. Cu tur hende, cu e reglanan cu tin, cu e derechionan cu nan tin, cu nan por adkiri esaki mas pronto cu ta posibel.
Tocante e disgustonan na DOW, e minister a splica cu tin disgustonan personal, pa e salario, disgusto con ta traha como contratistanan, pa esunnan cu ta wordo contrata pa traha cant’i caminda, compara cu esunnan cu ta traha vast cu DOW. Si no bin claridad ariba e forma di proceder y e organisacion, naturalemente, tipo di cosnan ta sigui. Ora cu mira cu trabaonan ta wordo haci, ta elogia trabaonan haci door di DOW, y un tiki structura hunto cu directiva di DOW, lo logra cu e nivel di satisfaccion lo aumenta drasticamente, segun minister Otmar Oduber, minister di Infrastructura.