Minister di Husticia Drs. Arthur Dowers a comenta riba e resumen di fin di siman di Pasco unda a bay basta trankilo. Masha poco incidente di gravedad y esaki ta un bon desaroyo, di otro banda autoridad mester a bay over na detencion di varios persona relaciona cu varios caso di violencia. Tabatin varios persona envolvi den casonan di bringamento y tin cuatro districto na Aruba, y e districto cu tabata basta ocupa tabata Noord. Ta area unda tin hotel y e discotecnan y esaki ta trece cierto risiconan adicional pa e area.
Violencia domestico tabatin unda hende homber ta maltrata hende muhe y esaki ta un desaroyo tog preocupante y fastioso y tin hopi keho ultimo di hendenan cu a bira victima di violencia domestico unda nan ta yama e Ministerio di Minister di Husticia y reclama cu autoridad no ta bay over suficiente lihe pa detencion di e persona maltrata. Minister di husticia a comenta cu esaki lo bay tin atencion de 2017 y mira con pa facilita esnan cu bira victima di maltrato y si mester extra capacidad pa atende cu e tipo di maltrato aki.
Minister Dowers a comenta tambe riba e accidentenan den trafico pa fin di siman, unda tabatin basta accidente mes pero hopi di nan no ta wordo atendi directamente door di Polis pero esnan di gravedad si Polis ta presenta y tabata den districto di Santa Cruz. Pero e restonan tabata di menos gravedad.
Pa loke ta caya grandi, Caya Betico Croes despues cu a escoge pa habri esaki atardi un automobilista kier a bay buta fever den caya grandi unda tabatin basta hende y a nenga tambe instruccion di autoridad, unda e persona a keda deteni y su auto a keda confisca. Pa Minister Dowers esaki tabata un bon reaccion di Polis unda tabatin actividad den caya despues di 6 or atardi y esaki tabata un peliger pa bida di hende canando den caya e momento ey.