Recherche di Playa cu actualmente ta staciona na Centro di Husticia na Macuarima a drenta den accion awe mainta pasobra nan ta haya cu e espacio cu nan ta trahando aden no ta adecuado.
Anteriormente e team aki tabata na Frankrijkstraat pero debi na situacion di e luga cu tin schimmel nan a muda pa Macuarima. Despues cu Minister Bikker a haya sa di e accion mesora a dirigi si mes pa Macuarima pa pone su mes na altura di e situacion y pa yega mesora na un solucion. Mientras tanto a laga haci Frankrijkstraat limpi unda a haci Luchtproeven pa mira si e aire ta saludabel despues cu a drecha e murayanan cu schimmel reemplasando nan.
Pruebanan cu a drenta ta mustra cu actualmente no tin schimmel mas na e edificio y Frankrijkstraat ta limpi. Tanto Minister di Husticia mr. Andin Bikker como Korpschef tin comprension pa e situacion y haciendo lo maximo pa yuda Recherche di Playa a yega na solucion temporal.
Manera tur bekabeling pa computer ta cla, recherche lo muda pa edificio di DOC caminda cu cada rechercheur lo tin un ruimte appart. Pa por atende publico y duna e servicio na e pueblo di Aruba.